Dizajnim dixhital i buzëqeshjes & estetikë dentare

Më nuk keni pse të frikësoheni për dhëmbët e as buzëqeshjen tuaj, sepse DENTARIUM kujdeset që ju të keni buzëqeshje të këndshme dhe dhëmbë të shëndetshëm, duke i modeluar ato sipas formave të përshtatshme të fytyrës suaj.

Estetika e buzëqeshjes zë një vend shumë të rëndësishëm sot. Problemet estetike si dhëmbët e thyer, të ngjyrosur, të mbushur, të mëdhenj, kavitete pa dhëmbë, rënie të mishit të dhëmbëve, gjakderdhje dhe gingivë më të dukshme ndikojnë negativisht në jetën shoqërore të njerëzve. Këto situata të pakëndshme i frikësojnë njerëzit që të buzëqeshin lirshëm. Por tani edhe të qeshurit ka zgjidhje, me metodat përparuese të teknologjisë të cilat aplikohen edhe në DENTARIUM.

Meqenëse nevojat estetike në modelimin e buzëqeshjes tek secili pacient janë të ndryshme, ekipi profesional i DENTARIUM i cakton procedurat që duhen kryer individualisht. Në këtë rast, plani i trajtimit për secilin bëhet duke marrë parasysh gjininë, moshën, tiparet e fytyrës së pacientit si dhe pritshmëritë e tij/saj. Ne në DENTARIUM përdorim kombinimin e disa metodave të trajtimit në mënyrë që pacienti të jetë i kënaqur dhe të arrihet rezultati i dëshiruar.